Posted by: hamede | April 1, 2010

سلامة مرارتك يا ريّس

أحمد فؤاد نجم

سلامة مرارتك
يا فاقع مرارة مراة الفقير
فلا جوزها جايب  
ولا الفقر تايب
ولا حتي سايب

مَيَّة في قُلة  
ولا كوز في زير
سلامة مرارتك

سلامة مرارتك

مرارة العُـزاز
وإيه يعني إحنا

ما نِوْلع بجاز
إنتَ الحقيقة وإحنا المجاز
تفضلْ وييجي بدالنا البديل
شوية خباثة  
وعوامل وراثة
نصبح بهايم … ونصبح بديل
فتقدر ساعتها تنام مَلو عينك

ويعلى الشخير

سلامة مرارتك
سلامة مرارتك
سلامة المرارة  
يا واقع علينا بسعر الخسارة  
فلا فيه صناعة  
ولا فيه تجارة
ولا فيه مدير  
ولا فيه إدارة  
ولا فيه وزارة تسيب الوزير
سلامة مرارتك

***

سلامة مرارتك
فداها المواطن  
أبو قلب راطن كلام الهموم
فلا نفس راضية  
ولا جتة فاضية  
بلاوي وسموم
ولا علاج مداوي
مفيش غير حكاوي
بتاخد بإيدنا لآخر المصير
سلامة مرارتك
 ***
سلامة مرارتك
وألفين سلامة
يا سايب في كل المنازل علامة  
  شمالك بتاخد …
وواخدة اليمين
شكلك بتحلف علينا اليمين  
ما تجعل في جيبنا قليل أو كتير
سلامة مرارتك

سلامة مرارتك
دي واخدة الحصانة  
بنشقى وتاكل علينا شقانا
لا خلِّيت أمامنا ولا فيه ورانا
ضرايب … عوايد … فاتورة … رسوم
ننام بالفاتورة
وبيها نقوم
على البصَّة ندفع فاتورة لعِنينا
ولو نعمى ندفع فاتورة ضرير
سلامة مرارتك

سلامة مرارتك يا صاحب الهمم
بخطبة بنطلع لأعلى قمم
وننزل على جدورنا بين الرمم
على الوهم ياما وياما بنينا
أوامر تجيبنا  
أوامر تجينا
على خطوة واحدة في محلك نسير
سلامة مرارتك

سلامة مرارتك
إحنا فداها  
تفرقع مرارتك  
نفرقع وراها  
حالنا بدونك عمره ما ماشي
إحنا بدونك شوية مواشي
من غير راعيها … ومن غير كبير  
سلامة مرارتك

2010/4/1 

نفي الشاعر الكبير أحمد فؤاد نجم أن يكون هو صاحب قصيدة «مرارتك يا ريس»

 

http://dostor.org/culture/news/10/march/31/11397

القصيدة للدكتور أبوزيد بيومي عضو اتحاد كتاب مصر

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Categories

%d bloggers like this: